英國標準 『得啖笑』

英國傳統的『慢』工出細貨

還記得80年代初,曾經在香港建築業工作了一段很短的時間. 很多物料都需要以一個”BS編號”作為符合規格的標準. 所謂”BS”就是 “British Standard”, 意思符合”英國標準”. 建築物料供應商和什麼設計師;建築師都標榜這個標準, 作為最高品質和價錢的保證. 現今世界以這個”BS編號”作為標準的依然比比佳是, 但是細心睇睇英國自己本土的標準, 確實係得啖笑!

大胆講句如果全世界以 “英國標準” 作為進度, 肯定會停頓不前.以前人人都話英國人嘅手工最好最實用, 亦都係無錯, 不過係以前囉, 真係過晒時啦. 現在麼都要講效率, 時間就係金錢. 但係英國嘅標準50年不變, 堅持他們傳統的慢工出細貨的宗旨, 『死要臉』, 『永不言悔』.

見到英國人做嘢, 真係把幾火. 簡簡單單嘅住宅駁煤氣就要等8個星期, 第一班煤氣公司嘅人嚟先睇環境,睇睇附近有冇煤氣喉可以接駁, 過幾日另外一班人來决定可以駁喉嘅位置, 再等10日8日又一班人來到開始掘地, 但只係掘爛塊地就鬆人, 又等幾日嗰班决定駁喉位置嘅人番嚟睇吓掘得啱唔啱,又鬆人. 再等幾日呢班駁喉師父嚟到,唔使一個鐘就駁好,但只係駁喉,並不代表有煤氣用呀! 之後嘅日子人來人往, 嚟睇睇駁得點, 鋪番塊爛地, 又嚟睇睇鋪得點, 最後等到鬚都長喇, 煤氣公司一班人番嚟扭開個煤氣掣. 老實講呢種程序真係有多無小.

天氣回暖, 家家戶戶都開始維修吓個花園, 大約上星期我見到對面小屋前面木圍欄正在維修, 一大班人車出車入, 好大陣仗呀. 後來同屋主講起先知要維修嘅圍欄得10尺左右,而且只是3尺高. 做到今時今日重見到呢班人行行企企, 認真係慢工出細貨啦!

我哋鋪頭隔離古老酒吧,已經荒廢咗好多年,舊年9月左右有人開工裝修,當然對我哋鋪頭來講確實係個好消息. 酒吧開番,人流多咗 ,生意自然也就好do喇! 頭威頭勢,大大聲話聖誕前開門營業.聖誕新年過後, 就聽講話復活節假期搞掂. 而家連復活節都過埋? 睇嘅真係要等今年聖誕前先可以開門做生意囉! 係人係鬼買咗鋪頭都希望快快趣搞掂裝修,可以開門賺錢先至講, 所為揾錢大過天. 但呢度樣樣都要符合 “BS編號” 英國標準的話,做老闆就必須忍耐忍耐囉!

所謂入鄉隨俗,我哋既然已經入鄉40幾年,那就好應該隨這個”BS編號”作為符合規格的標準吧了. 再唔好『囉囉囌囌, 嘈嘈閉』!